Франциянинг “ПСЖ” клуби ҳужумчиси Килиан Мбаппе нима учун собиқ жамоаси дарвозасига киритган иккинчи голини нишонлаганини тушунтириб берди.
«Мен биринчи киритган голимдан кейин уни нишонламасликка қароро қилдим, чунки, «Монако» таркибида ажойиб дамларимни ўтказганман. Шу даражага чиқишимда “Монако”нинг ҳиссаси катта бўлган. Бу стадионда ўтказган ажойиб дамларни унутиб бўлмайди.
Киритган иккинчи голим ва уни нишонлаганимни келадиган бўлсак, мен ҳам оддий инсон эканлигимни исботлаб қўймоқчи бўлдим. Менинг ҳам ўз ҳурматим бор. Мени ҳақорат қилгани учун «Монако» мухлисларига шу тариқа жавоб беришга қарор қилдим», — деди Килиан Мбаппе.
