Англия терма жамоаси собиқ дарвозабони Марадона билан ўзаро муносабатлари билан ўртоқлашди.
Питер Шилтон Марадонанинг «Яратганни голи»ни ёдга олди.
«Майдонда футбочиларни алдашга уринган ёлғончиларни учратишимга тўғри келган, аммо, барчалари буни тан олишди ва кейинчалик узр сўрашди. Марадона ўзининг ҳатти-ҳаракатлари билан нега унга бундай муносабатда бўлишимни кўрсатиб турибди.У кечирим сўрашга отланмаяпти ва мен ҳам унга қўл бериш ниятида эмасман. Менинг қарашларим билан уникини фарқи катта ва умуман бу одам билан яна йўлимиз кесишишини хоҳламайман.
Ўша учрашув ҳакамнинг айби билан хотираларда абадий қолиб кетди, лекин мен гол киритилаётган паллада бор кучимни ишга солдим. Ўша вазиятдаги расм шуни кўрсатадики, мен унинг бошидан кўра тўпга яқин эдим. Агар у ҳаққоний иш қилганида вазият бошқача бўлар эди, аммо Марадона ғирромлик қилиб гол урганди. Мен уни умуман ҳурмат қилмаганман ва у фирибгарга бўлган муносабатимни ўзгартирмайман», — дея хотирлайди Питер Шилтон.
