Бобур Абдухолиқов AFC расмий сайти учун интервью бериб ўтди.

Тўғриси, гурух ўйинлари жуда қийин ўтди. Жанубий Корея жамоаси билан ўйнаш ҳеч қачон осон кечмаган. Сўнгги ўйин ҳам уларнинг устунлигида ўтди. Буйоғига ҳеч қайси ўйин осон бўлмаслиги аниқ, бироқ ўтган сафарги чемипионликни такрорлашга ҳаракат қиламиз. Жамоамиз яхши шакилланган, фақат буни майдонда кўрсатишимиз керак.

Олдимизда жуда қийин ўйинлар кутиб турибди. Барча хатоларимиздан тўғри хулоса чиқарган-ча, бенуқсон ўйин ўтказишимиз шарт. Энди ҳар бир учрашув бизни орзуйимиз сари яқинлаштиради. Плей-оффдаги хатоларимиз кечиририлмаслигини яхши билиб турибмиз. Шунинг учун йигитлар маълуслиятни ўз бўйнига олиб курашга тайёрланишмоқда.

Кейинги босқичдаги рақибимиздан кўнглимиз тўлиши шарт эмас. Олдимизга қўйилган мақсад сабабли исталган жамоани мағлуб этишимиз керак.

Шу ўринда мухлисларимизга ўз минаддорчилигимизни билдириб ўтмоқчиман. Улар бизни стадиондан ва юртимиздан туриб қўллаб-қувватлашмоқда. Ҳар куни бизга ижтимоий тармоқлар орқали хабарлар келмоқда. Барчасини ҳис этиб турибмиз. Бундан ташқари, ҳар куни оила аъзоларимиз ҳам қўнғироқ қилиб дуода эканлигини маълум қилишмоқда. Энди фақат ва фақат ғалаба учун майдонга тушамиз.