Каталониянинг «Барселона» клуби дарвозабони Марк-Андре Тер Штеген жамоани яқинда қабул қилиб олган бош мураббий Кике Сетьен қандай усулларга амал қилиши ҳақида фикр билдирди.
«Аввало биз билан ажойиб икки йилни бирга ўтказган Вальвердега раҳмат айтмоқчиман. Уни бутун жамоа ҳурмат қилади. Раҳмат.
Энди бизда ниманидир ўзгартиришга ҳаракат қилаётган янги бош мураббий бор. Унинг ўзига ҳос усуллари бор ва футболга ўзгача қарайди. Биз унинг услубини тинглашга ва сингдиришга ҳаракат қиламиз.
Кўникиш яхши кечмоқда. Айнан футболчилар бош мураббийга кўникиши керак, аксинча эмас.
Машғулотларнинг фойдали томонлари кўпайди. Сетьен тезкор жамоа шакллантирмоқчи», — деди Тер Штеген.