Англия чемпионатининг 20-тури доирасидаги бугундан ўрин олган сўнгги учрашув бўлиб ўтди. «Ньюкасл» ўз майдонида «Челси»ни қабул қилиб, ўйинга қўшиб берилган дақиқаларда ғалабани илиб кетишди.

Аслида "қарғалар" баҳснинг 21-дақиқасида ҳисобни очишлари керак эди. Дарвоза тўсини "Челси"ни голдан қутқариб қолди.

Шундан сўнг устунлик асосан Лэмпард шогирдлари томонида бўлди. Айниқса, улар иккинчи бўлим сўнгида 2-3та голга тортадиган вазият яратишди. Хусусан, Абрахам яккама-якка вазиятда "Ньюкасл" дарвозабонини алдаб ўтдию, дарвоза томон аниқ зарба бера олмади.

Қўшиб берилган 4 дақиқанинг сўнггиси ўтиб бораётганида мезбонлар бурчак зарбасини амалга оширишди. "Челси" ҳимоячиси тўпни қайтарди, аммо такрорий узатмани Айзек Хэйден бош билан дарвозага жойлаб қўйди.

Ньюкасл – Челси 1:0 (0:0)
Гол: 1:0 – 90+4 Хэйден.
Ньюкасл – Дубравка, Фернандес, Кларк, Виллемс (Ритчи, 12), Крафт (Лонгстафф, 71), Альмирон, Хэйден, Шелви (Лонгстафф, 85), Сен-Максимен, Ласселс, Жоэлинтон.
Челси – Аррисабалага, Джеймс (Эмерсон, 75), Рюдигер, Кристенсен, Аспиликуэта, Канте, Жоржиньо, Хадсон-Одои, Маунт (Баркли, 68), Виллиан, Абрахам (Батшуайи, 80).
Огоҳлантиришлар: Хэйден (55), Эмерсон (84).