Хабарингиз бор, эртага “Бунёдкор” ОЧЛ сараларш доирасида Ироқнинг “Аз Завра” клубини қабул қилади. Мазкур ўйин олидан бугун матбуот анжумани ўтказилди. Унда “қалдирғочлар” бош мураббийи Вадим Абрамов ҳамда ф Муҳаннад Абдулраҳим журналистларни қизиқтирган саволларга жавоб бериб ўтди.
– Янги мавсумда барчага омад тилайман! Ҳаммаси жойида, эртага ғалаба учун майдонга чиқамиз.
Лутфулла Тўраев: Бу ўйинги биз яхши тайёргарлик кўриб келдик. Эртага ғалаба қозониб, гуруҳ босқичига чиқмоқчимиз.
– Рақиб мураббийи ўйинга тайёр эмаслигини маълум қилди. Бу қандайдир тузоқ эмасми?
– Эртага бизни қизиқарли ўйин кутяпти. Рақибнинг ўйинларини томоша қилдим. Жуда кучли жамоа. Бу тактика ва алдов.
– Марказда сиз билан ўйнайдиган Тўхтасинов ҳам Абудуллаев ҳам йўқ. Бу сизга қийинчилик тўғдирмайдими? Ҳозир жамоага Сардор Абдураимов жалб қилинди. Сардор билан тил топишиб олдингизми?
Лутфулла Тўраев: - Абу Даби йиғини доирасида ўтказилган ўртоқлик учрашувларида Сардор Абдураимов билан бирга ўйнадик, фикримча ҳаммаси жойида. Бир-биримизни билан тил топишиб кетдик деб ўйлайман.
– Жамоани Хуршид Ғиёсов тарк этди, буни катта йўқотиш дейиш мумкинми?
– Нафақат Ғиёсов, яна 5 нафар футболчимиз олимпиячилармиз билан бирга. Қолаверса, Гадоев ва Турсунов ҳам жамоани тарк этди. Бу футбол. Замонавий футболда бундай ҳолатларга тайёр туриш керак.
Ғиёсовга келадиган бўлсак, у ўтган мавсумни яхши ўтказди, шу сабабли уни кўплаб жамоалар ўз сафига қўшиб олмоқчи бўлди.
