Бугун ТТЙМИ стадионида “Локомотив” ва «Бухоро» клублари ўртасида ўртоқлик учрашуви ташкил этилди. Айтиш жоизки, мазкур баҳсда “темирйўлчилар” асосан иккинчи таркиб билан ҳаракат қилишди.

ОЧЛ плей-офф босқичидан ўрин олган “Истиқлол”га қарши ўйиндан сўнг жамоа бош мураббийи Андрей Фёдоров ўйинни бошланғич таркибда ўтказган футболчиларга дам беришга қарор қилди.

Шу боис «Бухоро»га қарши аввалги баҳсда захирадан тушган, шунингдек бошқа футболчилар ҳаракат қилди. «Бухоро» эса ўзининг асосий таркиби билан тўп тепди.

Учрашувнинг биринчи таймида ҳисоб очилмади. Танаффусдан сўнг бухороликлар иккита гол уришди. 49-дақиқада Беҳруз Саъдиллоев ҳисобни очган бўлса, 88-дақиқада Жасур Ҳасанов пеналтидан тўп киритди.

Ўртоқлик учрашуви. 23 январ
«Локомотив» - «Бухоро» 0:2
“Локомотив”: Жавоҳир Илёсов, Жалолиддин Жумабоев, Шерзод Файзиев, Дилшод Комилов, Жавоҳир Алижонов, Шаҳзод Шайманов, Авазбек Ўлмасалиев, Комрон Сайдазимов, Иброҳим Ғанихонов, Абдул Азиз Юсупов, Темурхўжа Абдухолиқов.
Захирадан тушганлар: Рустам Нартажиев, Асадбек Эргашев.