Тошкентнинг "Ҳумо" жамоаси сафар учрашувлари сериясидан ўрин олган учинчи баҳсини Тамбов шаҳрида шу ном остидаги жамоасига қарши ўтказди. "Кристалл" муз саройида кечган учрашувда мезбонлар 3:1 ҳисобидаги ишончли ғалабани қўлга киритишди.
Шу тариқа, "қанотлилар" ҳисобидаги очколар сони 51 талигича қолди ва жамоа 51 очко жамғарган ҳолда турнир жадвалининг 7-ўрнини эгаллаб турибди. "Тамбов" ҳисобида эса 47 тага етди ва улар жадвалда 9-поғонага кўтарилиб олишди.
Эслатиб ўтамиз, Евгений Попихин шогирдлари бундан аввал "Звезда"га (0:3) ва "Химик" жамоасига (2:4) имкониятни бой берган эдилар.
