Ўзбекистон олимпия терма жамоаси ярим ҳимоячиси Азизжон Ғаниев 23 ёшлилар ўртасидаги Осиё чемпионати учинчи ўрин учун Австралияга қарши ўйин олдидан AFC расмий сайтига интервью берди.
“Биз Саудия Арабистонига ютқаздик, чунки ўз имкониятларимиздан фойдалана олмадик ва сўнгги дақиқаларда эътиборни йўқотдик.
Ҳозирда бу борада ҳеч нарса қила олмаймиз, аммо ҳали олдинда яна битта турнирнинг энг муҳим ўйини бор.
Олдинда бизни кучли рақибга қарши қийин ўйин кутмоқда, бироқ биз мухлисларимизни хурсанд қилиш учун қўлимиздан келганча ҳаракат қиламиз. Биз Олимпиадага йўлланмани қўлга киритиш учун астойдил ҳаракат қиляпмиз.
Терма жамоа либосини кийиш катта маъсулият юклайди. Сиз бу либосда майдонга тушганингизда борингизни бериб ҳаракат қилишингиз керак ва биз буни Австралияга қарши кўрсатамиз.
Австралия жуда кучли жамоа. Улар қийин рақиб, лекин биз уларни яхшилаб ўргандик. Уларда жисмонан бақувват ва индвидуал маҳоратга эга футболчилари бор. Аммо биз ўз ўйинимизни кўрсатамиз ва умид қиламан, Олимпиадага йўлланмани қўлга киритамиз”, -дейди футболчи.
