«Барселона» клуби Хитойнинг «Бейцзинг Гоан» ҳужумчиси Седрик Бакамбуни ижарага олишни режалаштирган эди. Луис Суарес жароҳат олиб узоқ вақтга сафдан чиққани боис каталонияликлар конголик футболчи билан шартнома имзолаши мумкин.

"Барса" спорт директори Эрик Абидаль футболчининг агенти билан келишувга эришиб, Хитой клуби раҳбарияти ҳам ушбу  трансферга розилик берганидан сўнг Бакамбу Испания томон йўлга чиққан эди.

Седрик Сеулда тайёргарлик кўраётган «Бейцзинг Гоан» сафидан Гонконг томон учди ва у ердан бошқа самолётга ўтириб, Испанияга йўл олиши керак эди. Аммо Абидаль футболчига қўнғироқ қилиб, "Барселона" у билан шартнома имзолаш фикридан қайтганини маълум қилди. Натижада Бакамбу ўз жамоаси ихтиёрига қайтишга мажбур бўлди.

Бакамбунинг ўзи ушбу маълумотни тасдиқлаб, Твиттер орқали қуйидаги ҳазиломуз хабар қолдирди:

«Эй, Transfermarkt, менинг трансферларим тарихига «Деярли «Барселона», деб ёзиб қўй,  илтимос. Нимаики юз берса, барчаси яхшиликка. Барчаси учун Худога шукр. Келаси сафар кўришамиз, Антуан Гризманн».