Германиянинг “Лейпциг” клуби Каталониянинг “Барселона” клуби футболчиси Самуэль Умтитига қизиқиш билдирмоқда.
Қайд этилишича, «РБ Лейпциг» клуби футболчиси Дайот Упамекано жамоани тарк этиб, айнан “Барселона”га йўл олиши кутилмоқда. Шу сабабли, немис клуби ўз ҳимоячиси ўрнига франциялик футболчини олиб келишни режалаштирмоқда.
Умтити сўнгги йилларда жароҳатини даволаш билан банд бўлиб, асосий таркибдаги ўрнини йўқотиб қўйди. Шу сабабли, “Барса” раҳбарияти Умтитини сотиб юборишга қарши эмас.
Хабарда айтилишича, “Барселона” Умтитини 40 миллион еврога сотишга тайёр, лекин “Лейпциг” франциялик футболчининг трансфер нарҳини бироз камайтирмоқчи.