2018 йилнинг “Олтин тўп” соҳиби Лука Модрич Икер Касильяс ва Пепеларнинг йўлидан борадиганга ўхшайди.
34 ёшли хорватиялик футболчи ёзда «қаймоқранглилар» сафини тарк этиши мумкин. Чунки, унинг “Реал” билан тузган шартномаси ёзда ўз якунига етади ва томонлар шартномани узайтириш борасида музокара олиб боришмаяпти.
ОАВ тарқатаётган хабарларга кўра, Лука Модричга Португалиянинг “Порту” клуби жиддий қизиқиш билдирмоқда. «Порту» хорватиялик футболчи учун уч йиллик шартнома таклиф қилишга тайёр.
Эслатиб ўтамиз, «Интер» ва «Милан» клублари ҳам Модричга қизиқиш билдиришмоқда ва унга 2 йиллик шартнома таклиф қилишга тайёр.
