Туркиянинг «Трабзонспор» клуби «Фенербахче» клуби устидан қозонилган ғалабадан кейин Джон Оби Микел ирқчилик руҳидаги ҳақоратлар остида қолди.
«Трабзонспор» Истамбул клубини катта қийинчилик билан мағлуб этди. Мухлислар ўйиндан кейин аввалига стадионда, кейин эса ижтимой тармоқларда Оби Микелни ҳақорат қилишди.
Оби Микелнинг ўзи бу ҳақда тегишли органларга мурожаат қилиш ниятида эмас, лекин ушбу воқеадан жиддий хафа бўлганини яширмади.
«Ирқчилик – жоҳил ва кучсиз одамлар учун паноҳ. Улар далил топа олишмай қолса, инсоннинг рангги ва туғилиб ўсган жойи ҳақида гапиришни бошлашади. Мен буни туркиялик мухлислардан кутмаган эдим. Ажабланарлиси, 21-асрда ҳам ирқ ҳақида гапиришмоқда», — деди Оби Микел.