Каталониянинг «Барселона» клуби спорт директори Эрик Абидаль агар бугун клуб президенти Жозеп Бартомеу билан келиша олмаса, ўз жойини йўқотиб қўйиши мумкин.
Бугун «Барселона» клуби президенти ва Эрик Абидаль ўртасида учрашув бўлиб ўтади. Журналистлар Эрик Абидални клуб офисида кўришган. Абидалнинг тан олишича, уни истеъфо тақиб қилмоқда.
«Ишдан кетиш арафасида турганлигимни биламан. Лекин кетишни хоҳламайман. Трансферларда бегона одамларнинг аралашувлари ҳақида кўплаб саволларим бор. Қишки трансфер ойнаси барбод бўлганини тушунаман, лекин менинг ишимга ҳалақит беришмаганидан ҳаммаси бошқача бўларди», — деди Абидаль.
Айтилишича, клуб раҳбарияти ҳеч бўлмаса битта ҳужумчи сотиб олинишини кутган, аммо Абидаль бу ишни амалга ошира олмаган. Ҳақиқатдан ҳам, қишки трансфер ойнасида «кўк-анорранглилар» бирорта футболчи сотиб олишга ҳам яқин келишмади.
