Kataloniyaning «Barselona» klubi sport direktori Erik Abidal agar bugun klub prezidenti Jozep Bartomeu bilan kelisha olmasa, o‘z joyini yo‘qotib qo‘yishi mumkin.

Bugun «Barselona» klubi prezidenti va Erik Abidal o‘rtasida uchrashuv bo‘lib o‘tadi. Jurnalistlar Erik Abidalni klub ofisida ko‘rishgan. Abidalning tan olishicha, uni iste’fo taqib qilmoqda.

«Ishdan ketish arafasida turganligimni bilaman. Lekin ketishni xohlamayman. Transferlarda begona odamlarning aralashuvlari haqida ko‘plab savollarim bor. Qishki transfer oynasi barbod bo‘lganini tushunaman, lekin mening ishimga halaqit berishmaganidan hammasi boshqacha bo‘lardi», — dedi Abidal.

Aytilishicha, klub rahbariyati hech bo‘lmasa bitta hujumchi sotib olinishini kutgan, ammo Abidal bu ishni amalga oshira olmagan. Haqiqatdan ham, qishki transfer oynasida «ko‘k-anorranglilar» birorta futbolchi sotib olishga ham yaqin kelishmadi.