Каталониянинг «Барселона» клуби спорт директори Эрик Абидаль Лео Месси билан янги шартнома борасида музокара бошланганлигини эълон қилди.
«Лео жамоада қолишга иштиёқи юқорилигини бир неча маротаба айтиши мумкин, лекин шартномани унутмаслик керак. Кўрамиз, янги шартнома неча мавсумга мўлжалланган бўларкин.
Ушбу музокарада Хосеп Бартомеу ва Оскар Граулар ҳам иштирок этишади. Мессининг шартномасини ҳар йили қайта қайта кўриб чиқмаслик учун, у билан узоқ муддатли шартнома қилмоқчимиз.
Жамоада Мессининг келажаги ҳақида оптимист бўлишимга сабаблар бор. Дунёнинг энг кучли футболчисини йўқотиб қўйишга ҳаққимиз йўқ. Барча клуби Мессини ўз сафида кўришни хоҳлайди», — деди Эрик Абидаль.
