Мюнхеннинг «Бавария» клуби ўз майдонида «Хоффенхайм» клубини 4:3 ҳисобида мағлуб этди ва Германия Кубогининг кейинги босқичига йўл олди.
«Кубокда муҳими кейинги босқичга йўл олиш. Биринчи бўлимда кўрсатган ўйинимиздан қониқдим. Гарчи, биринчи бўлиб гол ўтказиб юборган бўлсакда, тезлик билан ҳисобни тенглаштиришга эришдик ва рақибга катта босим уюштирдик. Бироқ, иккинчи бўлимда яхши ўйин намойиш этмадик. Учрашувнинг 55-дақиқасидан бошлаб жамоамиз бироз сустлашди. Бизда зарур бўлган интенсивлик йўқ эди. Кейин биз яхши прессинг уюштира олмадик. «Хоффенхайм» ўз ўйинини ўзгартиришга эришди, қолаверса, биз ҳам уларга имконият бериб қўйдик. «Хоффенхайм»ни яхши ўйин намойиш этди деб мақташ мумкин. Якунда олдимизга қўйилган вазифани уддаладик. Бошқа нарсаларни таҳлил қилиб чиқамиз», - Ханс Фликнинг сўзларидан иқтибос келтирмоқда “Бавария” расмий сайти.