Италиянинг “Парма” клуби 2003 йили Португалиялик Криштиану Роналду “МЮ” клубига ўтгунга қадар жиддий қизиқиш билдирган.Бироқ, “Парма” клуб раҳбарияти «Спортинг» клуби билан трансфер борасида келиша олмаган. Бу ҳақда «Парма» клуби собиқ спорт директори Дориано Този хотирлади.

— Жамоада ўша пайтда анча ёши катта футбочилар жамланиб қолганди ва бизнинг мақсадимиз таркибимизга ёш футболчиларни жалб қилиш эди.Ўша пайтда “Парма” Европанинг топ клуби саналар эди, шу боис, биз таркибимизга тажрибали ёш футболчиларни жалб қилишни ўйлаётгандик. Ҳақиқатдан ҳам Криштиану Роналду билан шартнома имзолашга ҳаракат қилгандик. «Спортинг» 12 миллион евро сўраганди, биз эса 10 миллион евро таклиф қилгандик. Агар биз 11 миллион евро таклиф қилганимизда ҳам, ушбу трансфер амалга ошган бўлар эди, — деди Този.