Англиянинг «Вест Хэм» клуби ярим ҳимоячиси Андрей Ярмоленко жамоасини ўзгартириши мумкин.
Football Insider нашрининг тарқатган маълумотига қараганда, Англиянинг «Вест Хэм» клуби ёзги трансфер бозорида украиналик футболчисини сотиб юборишга тайёр.
Қайд этиш керакки, Ярмоленконинг клуб билан тузилган шартномаси 2022 йилнинг ёзида ўз якунига етади.
Жорий мавсумда 30 ёшли Ярмоленко «Вест Хэм» таркибида 15 та учрашувда майдонга тушиб, 3 та гол киритди.













