Испания кубогининг чорак финал босқичи доирасида яна бир кутилмаган натижа Бильбаода қайд этилди. «Атлетик» клуби иккинчи бўлимга қўшиб берилган дақиқаларда «Барселона» дарвозасини ишғол қилиб, ярим финалга йўл олди.

Каталонияликлар бутун ўйин давомида ташаббусни ўз қўлларида ушлаб туришди. Иккинчи бўлимда Гризманн ва Месси ўта қулай имкониятлардан фойдалана олишмади.

Иккинчи бўлимга қўшиб берилган дақиқаларда эса қанотдан етказиб берилган узатмани Иньяки Уильямс бош билан "Барселона" дарвозасига буриб юборди. Шу тариқа, қўшимча бўлимларга ўтиши кутилаётган учрашув асосий вақтда ҳал бўлди.

"Атлетик" ярим финалга йўл олган бўлса, "Реал"нинг ортидан "Барселона" ҳам мусобақани тарк этди.

Испания кубоги, чорак финал
"АТЛЕТИК БИЛЬБАО" - "БАРСЕЛОНА" - 1:0 (0:0)
Гол: 1:0 – 90+3 Уильямс.
Атлетик – Унаи Симон, Берчиче, Нуньес, Мартинес, Капа, Рауль Гарсия (Ибаи Гомес, 89), Весга (Сан Хосе, 66), Муниаин (Адурис, 77), Дани Гарсия, Йерай Альварес, Уильямс.
Барселона – тер Стеген, Лангле, Альба, Пике (Умтити, 80), Серджи Роберто, де Йонг, Ракитич (Артур, 69), Фати (Гризманн, 57), Бускетс, Семеду, Месси.
Огоҳлантиришлар: Семеду (6), Месси (39), Альба (40), Йерай Альварес (44), Весга (53), де Йонг (57), Дани Гарсия (63), Пике (72), Артур (81).