«Барселона» бош мураббийи Кике Сетьен Испания кубоги чорак финал босқичи доирасида бўлиб ўтган «Атлетик»га қарши ўйин (0:1) борасида ўз фикрини билдириб ўтди.

Ўйин ҳақида
«Футболда фаолият юритган давримда ҳар йили шундай вазиятлар бўладики, ундан сен битта зарба билан уришинг мумкин, баъзида эса 10та зарба бериб бирорта гол ура олмайсан. Билмадим, бу руҳланишми ёки ўзимизга бўлган ишончми? Шундай нарсалар борки, уни мураббийлар ҳам, футболчилар ҳам назорат қила олишмайди. Бу улардан бири.

Натижадан бошқа ҳаммаси яхши бўлди. Мусобақадан чиқиб кетганимиз аламли, лекин биз ўз ўйинимизни яхшилаб боряпмиз. Қийин ўйинда мен кўп муҳим вазиятларга аҳамиятга бердим».

Симуляция учун де Йонгга берилган огоҳлантириш ҳақида
«Френки де Йонг билан боғлиқ вазиятни кўрмай қолдим. Менга айтишларича, бу яққол фол эди, лекин мен ҳакамлар қарорини муҳокама қилмайман», – деди Сетьен.