Испан футболига бефарқ бўлмаган анчагина мухлисларнинг асаблари тунда таранглашган. Бундан ўзини ҳимоялаб, ўйқуни афзал кўрганлар эса тонгда ўйғониб “Мен етишмадим” дегандир. Бир томондан ўз клуби натижасидан ранжиган бўлса, бошқа томондан азалий рақиблар мағлубиятидан хабар топиб “ҳа ундай бўлса, майли, ҳечқиси йўқ” деб кўнгли озгина таскин топгани ҳам бор гап.

Мана шунақа бу клублар, жуда ўзига хос.

Бири кутилмаганда голлар шоуси ташкил этиб берди. Натижада, Зидан келгандан бери биринчи бор ўз майдонида 4 гол ўтказиб юборди. Зидан бошчилигида бу мавсум биринчи бор "Сантьяго"да ютқазди.

Бошқа бири 93-дақиқада гол ўтказиб турнирни тарк этди. Ички муаммолари ташқарига чиқиб натижага таъсир қилмай қолмади. Касални яширсанг... яширишмаяпти ҳам ўзи буёғига.

Нақадар улар ҳар хил, нақадар улар бир хил..

Испания кубоги, чорак финал
"Реал Мадрид" - "Реал Сосьедад" - 3:4
"Атлетик Бильбао" - "Барселона" - 1:0

Кубок мавқеи тушди.
Ла Лига қадри ошди.

Иккинчи даврадаги "класико" эса “жон чиққунча жанг” ҳолатига келди.

Даврон Файзиев.