«Манчестер Сити» ҳужумчиси Серхио Агуэро Англия премьер-лигасининг январь ойидаги энг яхши футболчиси деб топилди. 31 ёшли футболчи ўтган ойда 3та ўйинда майдонга тушиб, 6та гол уришга муваффақ бўлди.

Аргентиналик футболчи учун ушбу соврин фаолиятидаги еттинчиси бўлди. Ушбу кўрсаткич бўйича Агуэро «Ливерпуль» афсонаси Стивен Жеррард ва «Тоттенхэм» форварди Харри Кейнни ортда қолдирган ҳолда биринчи ўринга кўтарилиб олди.

Эътиборли томони, Серхио совринларининг 3тасини январь ойининг энг яхши футболчиси сифатида қўлга киритди.

Агуэро қуйидаги ойларда АПЛнинг энг яхши футболчиси деб топилган:

2013 йил октябрь
2014 йил ноябрь
2016 йил январь
2016 йил апрель
2018 йил январь
2019 йил февраль
2020 йил январь