Каталониянинг "Барселона" клуби бош мураббийи Кике Сетьен Ла Лиганинг 23-тур доирасида "Бетис" клубига қарши бўлиб ўтадиган учрашув ҳақида ўз фикрлари билан ўртоқлашди.
"Шубҳасиз, бу учрашув мен учун муҳим аҳамият касб этади. Мен у ерда оддий бўлмаган икки йилни ўтказдим. Гарчи у ерда янги футболчилар пайдо бўлган бўлсада, рақибни яхши биламиз. Лекин рақибни яхши биламиз деганимиз уларни назорат қиламиз дегани эмас, албатта. Бизни қийин учрашув кутиб турибди. "Бетис"да ёмон натижалар бўлди, лекин улар сўнгги уй учрашувини ажойиб ўтказишди. Биз ўзимизнинг яхши томонларимизни кўрсатишимиз керак", - деди Сетьен AS нашрига.













