Италия А сериянинг 23-тури Милан дербиси билан якунига етди. "Сан-Сиро"да бўлиб ўтган "Интер" ва "Милан" жамоалари ўртасидаги ўйинда мухлислар жуда қизиқарли жангга гувоҳ бўлишди.

Биринчи бўлимнинг сўнгги дақиқалари "россонери" учун жуда омадли келди. Дастлаб Ибраҳимовичнинг бош билан берган узатмасидан сўнг Ребич бўш дарвозани ишғол қилди. Бу вазиятда "Интер" посбони Ханданович хатога йўл қўйди. Таймга қўшиб берилган дақиқаларда эса Златаннинг ўзи бош билан "нерадзурри" дарвозасини забт этди.

Конте шогирдлари иккинчи бўлимда вазиятни бутунлай ўзгартириб юборишди. Айниқса, тайм бошида урилган 2та тезкор гол "Милан" футболчиларини шошириб қўйди.

Учрашувнинг 70-дақиқасида Де Врей ўз имкониятидан самарали фойдаланиб, "Интер"ни олдинга олиб чиқди. "Милан" бу ўйинда камида дурангга эришиши мумкин эди. Аммо 89-дақиқада Ибраҳимович бош билан йўллаган зарбадан сўнг тўп устунга тегиб қайтди...

Қўшиб берилган дақиқаларда эса номинал мезбонлар қарши ҳужумга ўтишди ва Лукаку "россонери" дарвозасига тўртинчи голни урди.

Шу тариқа, "Интер" ўз очколарини 54тага етказиб, тўплар нисбатига кўра жадвалда 1-ўринга кўтарилиб олди.

Италия А серияси, 23-тур
Интер – Милан 4:2 (0:2, 4:0)
Голлар: 0:1 – 40 Ребич, 0:2 – 45 Ибрагимович, 1:2 – 51 Брозович, 2:2 – 53 Весино, 3:2 – 70 де Врей, 4:2 – 90+2 Лукаку.
Интер – Паделли, Годин, Шкриньяр, де Врей, Янг (Бираги, 90), Брозович, Барелла, Кандрева (Мозес, 80), Весино, Санчес (Эриксен, 72), Лукаку.
Милан – Доннарумма, Тео, Романьоли, Кьер, Конти, Беннасер, Кессиэ (Лукас Пакета, 81), Кастильехо (Рафаэл Леау, 80), Чалханоглу, Ибрагимович, Ребич (Бонавентура, 84).
Огоҳлантиришлар: Весино (47), Барелла (55), Шкриньяр (55), Кессиэ (62), Конти (79), Лукаку (90+3).