Осиё Чемпионлар Лигасининг гуруҳ босқичи 1-туридан ўрин олган "Пахтакор" – "Шабаб Ал-Ахли" жамоалари ўртасидаги ўйиндан сўнг меҳмонлар бош мураббийи Родольфо Арруабаррена ўз фикрларини билдириб ўтди.
"Об-ҳаво сабабли иккала жамоада ҳам қийинчиликлар бўлди. Биринчи бўлимда «Пахтакор» тезкорроқ ҳаракат қилди ва гол урди. Иккинчи бўлимда ҳисобни тенглаштирдик. Аммо рақиб тезда жавоб қайтарди. Учрашувнинг сўнгги сонияларигача курашдик. Майдоннинг ҳолати туфайли иккала жамоа ҳам асосан иккинчи қаватда ўйнашга мажбур бўлди.
– Об-ҳаво туфайли "Пахтакор" ўз ўйинини кўрсата олмади. Сиз қандай режа тузган эдингиз?
– Об-ҳавога қараб ўйин фалсафамизни ўзгартирмаймиз. Биз тўп назоратига асосланган футбол ўйнаймиз. Бугунги об-ҳавога "Пахтакор" тайёрроқ экани кўринди. Лекин иккинчи бўлимда етарлича имкониятларга эга бўлдик.
– Азиз Ғаниевнинг бугунги ўйини ҳақида фикр билдирсез?
– Азиз Ғаниев яхши ўйнади. Биринчи ўйин эканлигини инобатга олсак, ёмон ҳаракат қилмади. Кеча айтганидек бизнинг ўйин фалсафамизга мослашиб олиши учун унга вақт керак", – дейди мураббий.
