Osiyo Chempionlar Ligasining guruh bosqichi 1-turidan o‘rin olgan "Paxtakor" – "Shabab Al-Axli" jamoalari o‘rtasidagi o‘yindan so‘ng mehmonlar bosh murabbiyi Rodolfo Arruabarrena o‘z fikrlarini bildirib o‘tdi.
"Ob-havo sababli ikkala jamoada ham qiyinchiliklar bo‘ldi. Birinchi bo‘limda «Paxtakor» tezkorroq harakat qildi va gol urdi. Ikkinchi bo‘limda hisobni tenglashtirdik. Ammo raqib tezda javob qaytardi. Uchrashuvning so‘nggi soniyalarigacha kurashdik. Maydonning holati tufayli ikkala jamoa ham asosan ikkinchi qavatda o‘ynashga majbur bo‘ldi.
– Ob-havo tufayli "Paxtakor" o‘z o‘yinini ko‘rsata olmadi. Siz qanday reja tuzgan edingiz?
– Ob-havoga qarab o‘yin falsafamizni o‘zgartirmaymiz. Biz to‘p nazoratiga asoslangan futbol o‘ynaymiz. Bugungi ob-havoga "Paxtakor" tayyorroq ekani ko‘rindi. Lekin ikkinchi bo‘limda yetarlicha imkoniyatlarga ega bo‘ldik.
– Aziz G‘aniyevning bugungi o‘yini haqida fikr bildirsez?
– Aziz G‘aniyev yaxshi o‘ynadi. Birinchi o‘yin ekanligini inobatga olsak, yomon harakat qilmadi. Kecha aytganidek bizning o‘yin falsafamizga moslashib olishi uchun unga vaqt kerak", – deydi murabbiy.
