Лондоннинг «Арсенал» клуби собиқ бош мураббийи Унай Эмери агар у жамоадан кетмаганида Николя Пепени ёрқин ўйин намойиш этишига ёрдам беришини айтиб ўтди.

Ўтган йилнинг ёзида Николя Пепе «Арсенал» клубига «Лилль» клубидан 72 миллион еврога кўчиб ўтганди. Николя ўзини кўрсата олмагани учун клуб ушбу трансфер учун кескин танқид остига олинган эди.

«Ҳар бир футболчига мослашиш учун вақт керак бўлади. Кимгадир кўпроқ, кимгадир озроқ. Ишонинг, агар клуб бу футболчининг иқтидорига ишонч билдирмаса, уни бундай катта мабдағга сотиб олмайди.

Николянинг иқтидори бор, агар мени истеъфога чиқариб юборишмаганида, мен унинг очилишига ёрдам берган бўлардим», — деди Эмери.