Испаниянинг "Хетафе" клуби президенти Анхель Торрес жамоа ҳужумчиси Анхел Родригесни "Барселона" клубига қўйиб юборишга тайёр, каталонияликлардан таклиф тушадиган бўлса.
"Мен "Барселона"дан тушадиган таклифни рад этмаган бўлардим. У клуб билан бизнинг муносабатларимиз яхши, уларда ҳужумчи борасида катта муаммолар юзага келди. Агар улардан таклиф тушадиган бўлса, мен бунга қаршилик қилмайман. Ким "Барселона"ни ўтишни хоҳламайди?", - Торреснинг сўзларидан иқтибос келтирмоқда Marca.
32 ёшли Родригес жорий мавсумда "Хетафе" таркибида 28 та учрашувда майдонга тушди ва 13 та гол уриш билан қаторда иккита голли пасни амалга оширди.
Унинг жамоа билан тузилган шартномаси 2021 йилнинг ёзигача амал қилади.
