Россиянинг «Зенит» клуби спорт диреткори Хавьер Рибалта ярим ҳимоячи Леандро Паредесни «ПСЖ»га қандай сотгани ҳақида сўзлаб берди.
— Музокара бошида Антеро Энрике («ПСЖ»нинг ўша пайтдаги спорт директори) билан суҳбатлашганимизда унга Леандро 40 миллион евродан камига ҳеч қаёққа кетмаслигини айтдим. Паредес биз учун муҳим футболчи эканлигини, Аргентина терма жамоаси аъзоси эканлигини парижликлар яхши тушуниб турганди. Биз бўлса уларда пул борлигини билардик. Улар сўнгги йилларда трансфер бозорида қандай фаол бўлганликларини кўргандикку”, - Хавьер Рибалта.
