Мадриднинг “Реал” клуби бош мураббийи Зинедин Зидан бир неча кун аввал жамоанинг ўқув-базаси жойлашган Вальдебебас шаҳрида автофалокатга учрагани ҳақида хабар бергандик.
Mundo Deportivo нашрининг тарқатган маълумотига қараганда, Зидан катта тезликда шу шаҳарда яшовчи Игнасио Фернандеснинг автомобилини қувиб ўтмоқчи бўлди ва кутилмаганда автофалокат содир бўлди.
Нариги автомобиль ҳайдовчиси ўз машинасидан тушди ва бошқарувда Зинедин Зидан ўтирганлигини кўриб ҳайрон қолди. У дарҳол франциялик мутахасси билан селфи тушишга эришди.
"Мен ундан селфига тушишини илтимос қилдим, чунки, айнан Зидан менинг машинамни урганига дўстларим ишонмасди. Зидан бунга рози бўли. У бош кийимини ечди ва мен билан бирга суратга тушди", - деди Игнасио.
