Италиянинг «Милан» клуби техник директори Паоло Мальдини Италия Кубоги ярим финал дастлабки учрашувида «Ювентус»га қарши бўлиб ўтган ўйиндан кейинги фикрлари билан ўртоқлашди.

— Тушунтириш учун тушунарли бўлган қоидалар бор, аммо мен жавоб учрашувини ўтказиб юборадиган футболчиларни танқид қилмайман. Мен жамоанинг ажойиб ўйинига эътибор қаратмоқчиман. Шубҳасиз, ушбу дурангдан кейин «Милан»нинг ўзига бўлган ишончи ортади. Ҳужумда янада хавфлироқ бўлишимиз керак, чунки, яратаётган вазиятларимизнинг аксариятидан фойдалана олмаяпмиз. Ғалаба қозона олмаганимиздан афсусланишимиз мумкин, аммо, «Ювентус»дек клубга қарши ўйинда таваккалчиликка қўл урмаслик керак, —Мальдинининг сўзларидан иқтибос келтирмоқда Rai Sport.