Дэвид Бекхем хўжайинлик қиладиган АҚШнинг «Интер» Майами клуби Родольфо Писарро билан шартнома қилганини расман эълон қилди.
“Интер Майами” клуби ёзда Эдинсон Кавани, Луис Суарес, Неймар, Давид Сильва ва бошқа топ-футболчиларни сотиб олишга ҳаракат қилганди, лекин якунда шунча ҳаракат зое кетганди.
«Интер Майами» уларнинг ўрнига Матиас Пеллегрини ва Родольфо Писарролар билан шартнома қилишга эришди.
«Майами» клуби спорт директори транфер бозорида жамоа фаол бўлишини айтиб ўтди.
«Яна бир легионер футболчини қўлга киритиш имкониятимиз бор. Бизнинг амбициямиз юқори. Жуда кўплаб футболчиларни кузатяпмиз. Ўйлайманки, икки қанотда ҳам бирдек ўйнай оладиган ярим ҳимоячини ўз сафимизга қўшиб оламиз», — деди Пол Макдоно.
