«Атлетико» бош мураббийи Диего Симеоне Европа чемпионлар лигаси нимчорак финал босқичи доирасида «Ливерпуль»га қарши бўлиб ўтган дастлабки ўйин борасида ўз фикрлари билан ўртоқлашди.

«Шундай ўйинни кутгандик. Жуда кучли рақиб, жисмоний жиҳатдан кучли жамоа. Ҳар иккала дарвоза олдида вазиятлар юзага келди, аммо биз ўйин бошида имкониятдан фойдаланиб қолдик. Шундан сўнг ҳисобни ушлаш учун керакли футбол намойиш қилдик. Қарши ҳужумларда гол уриш учун яна имкониятларга эга бўлдик.

Агар ҳужумчилар ҳимоявий ҳаракатларда иштирок этишмаса, жамоа бундай натижага эришмаган бўларди. Барча яхши ҳаракат қилди. Ажойиб жамоага қарши оғир ва мураккаб ўйин бўлди.

«Ливерпуль» жуда яхши ўйнади, улар тўпни олиб қўйишда ҳақиқий мутахассис. Аммо бизда яна гол уриш учун вазиятлар бўлди.

Ўйиндаги муҳит ақлбовар қилмас даражада бўлди. Саккиз йиллик фаолиятим давомида бундай атмосферани кўрмаганман.

Жавоб ўйини? Барчаси бошқатдан бошланади. Боиси, рақиб ўз уйида ажойиб ўйин ўтказишга ўрганган», – деди Симеоне.