Бугун Тошкент шаҳридаги «Ёшлик» аренасида аёллар ўртасида ўтказилаётган футзал бўйича XV Ўзбекистон чемпионатининг ярим финал учрашувларига старт берилди.
"Севинч" Тошкентнинг "Пахтакор W" жамоасига қарши, чемпионат финал йўлланмаси учун куч синашди.
Учрашувда тўлиқ устунликка эришган қаршиликлар, биринчи бўлимни 3:0 ҳисобида якунлади. Бу голларга Мафтуна Шойимова (2та) ва Нилуфар Қудратовалар муаллифлик қилишди.
Иккинчи бўлимни ҳам "Севинч" фаоллик билан бошлашди ва рақиб дарвозасига яна иккита тўп киритишга эришди. Аммо орадаги сал сусткашлик, ўз дарвозасидан гол ўтказиб юбориш билан якунланди. Зухра Бердиева бу вазиятда ўзини кўрсатди.
"Севинч" бу голга яна икки гол билан жавоб қайтарди. Иккинчи бўлимдаги голларга Мафтуна Шойимова, Малика Бурхонова (2та) ва Шоира Қултураевалар муаллифлик қилишди.
Шундай қилиб, ярим финал учрашувида ғалаба қозонган "Севинч" эртага, 20 феврал куни финалда "Бунёдкор W" жамоаси билан куч синашади. "Бунёдкор W" жамоаси иккинчи ярим финал жуфтлигида "АГМК W" жамоасини мағлубиятга учратиб, финалга чиқди.
Футзал. XV Ўзбекистон чемпионати. ½ финал
"Севинч" – "Пахтакор W" 7:1 (3:0)
19.02.2020. Тошкент ш., "Ёшлик" СМ. 12:00да
Ҳакамлар: Никита Афенагенов, Санжар Назаров, Шавкат Муҳитдинов, Анотолий Рубаков.
Голлар: Мафтуна Шойимова, 3’-1:0, 8’-2:0, 22’- 4:0, Нилуфар Қудратова, 12’-3:0, Малика Бурхонова, 23’-5:0, 34’-6:1, Шоира Қултураева, 37’-7:1 – Зухра Бердиева, 27’-5:1.
"Севинч" : 16.Жонимқулова Мафтуна, 9.Мафтуна Шойимова (c), 25.Диёра Эркинова, 37.Малика Бурхонова, 77.Нилуфар Қудратова.
Захира: 1.Лайло Тиловова, 6.Феруза Бобохўжаева, 8.Лайло Шодиева, 14.Гулзода Амирова, 15.Шоира Қултураева, 27.Шодия Тошева, 78.Алиса Захаренко.
"Пахтакор W": 1.Нигора Узганова, 7.Мадина Ҳикматова, 11.Мадина Воҳидова, 13.Лида Цема (с), 21.Екатерина Сальникова.
Захира: 16.Нилуфар Бахтиёрова, 5.Мадина Абдураимова, 8.Динара Тагирова, 14.Юлдуз Ҳамдамова, 17.Зухра Халикова, 23.Ойбарчин Турғунова, 77.Дурдона Бахтиёрова, 88.Зухра Бердиева.
