Испаниянинг "Леганес" клуби бош директори Мартин Ортега жамоа ҳужумчиси Мартин Брэйтуэйтни "Барселона" клубига ўтиши борасида фикр билдирди.
Эслатиб ўтамиз, каталонияликлар Дембеле ва Суаресларнинг жароҳат олиб узоқ муддатга сафдан чиққанликлари сабабли, янги ҳужумчи сотиб олиш имкониятига эга бўлишганди.
"Клубимиз музокара олиб боришни хоҳламаган эди, шу боис товон пулига мурожаат қилинди.
Бу ҳолат бизга жуда катта зарар етказди. Биз ўйинчиси жароҳат олганлиги сабабли, бошқа клуб ҳисобига муаммоларини ҳал қилганликлари ҳақидаги вазиятни қабул қила олмаймиз.
Биз амалдаги нормалар адолатсиз эканлигига ишонамиз. "Барселона" бундан фақат ютди, "Леганес" эса жабрланган бўлиб чиқди", - деди Ортега.
28 ёшли даниялик футболчи "кўк-анорранглилар" билан 2024 йилнинг ёзигача шартнома имзолади ва товон пулини 300 миллион қилиб белгилади. Ушбу трансфер учун “Барселона” “Леганес” ҳисоб рақамига 18 миллион евро ўтказиб берди.
