«Барселона» сардори Лионель Месси «Интер» ҳужумчиси Лаутаро Мартинес ҳақида ўз фикрларини билдириб ўтди.

— Абидалнинг атйишича, Лаутаро ва Неймар ёзги трансфер пайтида «Барса»га ўтиши мумкин экан. Лаутаро ҳақида нима дея оласиз?
— У яхши таассурот қолдирмоқда. У катта ўсишга эришди ва у ажойиб ўйинчига айланади. Мартинес жуда кучли ва дарвозабон билан яккама-якка вазиятларни якунлашда ажойиб ҳаракат қилади. Жарима майдони ичида ҳар қандай футболчи билан билан кураша олади, ҳужум йўналишини кескин ўзгартиради ва гол уради. Жуда савияли ва ҳар томонлама ривожланган ўйинчи.

— Лаутаро эса ўзига Луис Суарес ёқишини айтди. Улар бир жамоада ўйнаса, яхши иш бўлар эдими?
— У жамоамизга қўшилиб, Европа чемпионлар лигаси соврини учун курашишини истардим. Лаутаро Луисга ўхшайди. Улар прессинг ва голли вазиятларда тўпни яхши ушлаб тура олишади. Уларнинг ўхшаш жиҳатлари кўп.

— Суареснинг ўзи ҳам «Барса» янги ҳужумчи сотиб олиши кераклигини айтиб ўтган эди. Улар бир-бирларининг ўрнини тўлдира олишадими?
— Ҳа, аввал айтганимдек, барча яхши футболчилар охир-оқибат бизнинг ўйинимизга мослашади. Луис катта тажрибага эга ва Лаутаронинг клубга мослашишига ёрдам беради. Лекин ҳозирча буларнинг барчаси тахминлар, – деди Месси.