«Барселона» бош мураббийи Кике Сетьен жамоанинг янги ҳужумчиси Мартин Брэйтуэйт ҳақида ўз фикрини билдириб ўтди.
«Албатта, у "Эйбар"га қарши ўйинда маълум вақтга майдонга чиқиши керак. Балки, бу ҳақда гапиришга ҳали эртадир. Мартин яхши формага кириб бормоқда, аммо ҳали унга тушунтиришимиз керак бўлган кўп нарсалар бор.
Мартинни бироз вақтдан бери кузатиб келяпмиз. Ушбу футболчи ўзининг баъзи хусусиятлари билан бизга мос келади. У турли позицияларда ўйнай олади ва жамоага мос келади.
У бизга жиддий ёрдам беришига мен ишонаман. Брэйтуэйт – нафақат яхши футболчи, балки ақлли ўйинчи ҳам», – деди Сетьен.