Англия терма жамоаси собиқ ҳужумчиси Питер Краучнинг айтишича, Лондоннинг “Тоттенхэм” клуби бош мураббийи Жозе Моуриньо ундан фаолиятини қайта бошлашини сўраган.

"Менга Жозе қўнғироқ қилди. Одатда бегона рақамли қўнғироқларга жавоб бермайман. Лекин FaceTime орқали қўнғироқ қилди ва мен жавоб берди.

Уни ўз кабинетида ўтирганини кўрдим. Кейн ва Сонларнинг жароҳати сабабли, Моуриньо мендан фаолиятимни қайта тиклашимни сўради. У менга тайёрмисан, сен бизга кераксан деди.

"Унга менинг рақамимни “Тоттенхэм” клуби матбуот котиби берган экан. Мен фаолиятимни якунлаганман. “Тоттенхэм”да қанчалик ўйнашимни хоҳлаганимдан қатъий назар, мен аввалги ҳолатимни тиклай олмайман.

Барчани ишонтириб айта оламанки, Моуриньо билан суҳбатлашганимдан мамнун бўлган бўлсам ҳам, АПЛда гол ура олмайман", - деди Крауч Daily Mail билан суҳбатда.

Эслатиб ўтамиз, Питер Крауч 2019 йилда фаолиятини якунлаган эди.