"Рома" ярим ҳимоячиси Генрих Мхитарян "Лечче" устидан қозонилган ғалаба (4:0) ва жамоанинг руҳий ҳолати ҳақида гапирди.
"Кейинги учрашувлар олдидан ишончни оқлаш учун ғалаба қозониш муҳим эди. Бу осон эмас эди, аммо биз ўз кучимизга бўлган ишончни тиклашимиз керак. Биз тўртинчи ўринни эгаллашимизга ишонамиз. Бир-биримизнинг ўйинимизга мослашиб, диққат марказида бўлишимиз керак.
Кетма-кет икки ғалаба жамоага яхши таъсир қилди, аммо биз ривожланиш устида ишлашимиз керак. Биз ҳеч қачон тўхтамаймиз ва ҳар қандай рақибга қарши туришга тайёр бўлишимиз керак", - деди Мхитарян клуб расмий сайтига берган интервюсида.
