Афсонавий франциялик футболчи, Лондоннинг “Арсенал” клуби собиқ ҳужумчиси, айни пайтда МЛСнинг «Монреаль Импакт» клубини бошқараётган Тьерри Анри “Арсенал” клуби бош мураббийи бўлиш учун изланишдан тўхтамаслигини яширмади.
«Мен бир кун келиб «Арсенал» клуби бош мураббийи бўлиш ҳақида ўйлаяпман. Бу фикр миямни тарк этмаяпти. Менинг яна бир катта истагим – ўзимни баскетболчи сифатида синаб кўриш. Мен турли хил “данклар” қилишни ўрганишни хоҳлардим.
Мен футболда ишлаётган эканман, у ҳолда «Арсенал» клуби бош мураббийлиги учун кураш олиб боришда давом этаман. Ҳатто Арсен Венгер «Арсенал» билан хайрлашган бўлсада, «Эмирейтс» стадионидан иш топиш осон бўлмайди. Бундай буюк клубларни бошқариш учун тажрибали мутахассислар талайгина», — деди Тьерри Анри.
