«Манчестер Юнайтед» бош мураббийи Оле-Гуннар Сульшер Европа лигасининг 1/16 финал босқичида бўлиб ўтган «Брюгге»га қарши жавоб ўйини (5:0) борасида ўз фикрини билдириб ўтди.

«Мени кўпроқ биз қандай футбол намойиш қилганимиз хурсанд қилди. Ўйинни яхши бошладик, яхши темпда ўйнадик ва бир нечта ажойиб голлар урдик.

Игало кескин ўйнай олади, шунингдек, рақиб дарвозасига тескари турган ҳолда ҳам ҳаракат қила олади. Унинг голи — ундан нима кутиш мумкинлигига яхши мисол. Одион тўпни ушлаб туриши мумкин, бизга шу хислат етишмаётган эди.

Агар бугун Игало майдонга тушмаганида Гринвуд ўйнашига тўғри келарди. Якшанба куни эса бизни яна бир ўйин кутиб турибди. Бу ҳолда футболчи чарчаб қоларди. Игало билан шартнома имзолаб ундан қандай фойдаланишни билардик.

Биз гол ўтказиб юбормаяпмиз ("МЮ" сўнгги 7та ўйинда битта гол ўтказди). Бу муҳим. Бугун ўзимиз истагандек ўйнадик. Футболчиларнинг юзида табассум пайдо бўлди ва ўзларига ишонган ҳолда ҳаракат қилишди. Янги ўйинчилар бизга бундай ҳолатни тақдим этишди», – деди Сульшер.