Ўзбекистон чемпионатининг 1-тури доирасида «Қўқон-1912» клуби ўз уйида «Бухоро»ни қабул қилиб, йирик ҳисобда ғалаба қозонди.

Учрашувнинг 17-дақиқасида меҳмонлар дарвозаси томон 24 метрлардан белгиланган жарима зарбасини Холмуҳаммедов кучли зарба билан голга айлантирди.

Иккинчи бўлим ўрталарида Муроднинг ўзи яна жарима зарбасидан иккинчи гол муаллифига айланди. Бу сафар унга рекошет ҳам ёрдам бериб юборди.

Ўйин тугашига 5 дақиқа қолганида эса Қувондиқ Рўзиев жамоасининг учинчи голини бухороликлар дарвозасига урди.

Шу тариқа, "Қўқон-1912" дастлабки турда йирик ҳисобда ғалаба қозониб, жадвалда пешқадамга айланди.

Суперлига, 1-тур
«ҚЎҚОН-1912» - «БУХОРО» - 3:0 (1:0).
Голлар: Мурод Холмуҳаммедов (17, 69), Қувондиқ Рўзиев (85)
Огоҳлантиришлар: Анвар Жўраев (58) Жаба Липартиа (82)
“Қўқон-1912”: 1. Ботирали Эргашев, 3. Бобур Акбаров, 7. Шоҳназар Норбеков (Иқбол Маликжонов 78), 9. Суҳроб Бердиев, 10. Қувондиқ Рўзиев, 11. Отабек Ҳайдаров (Якуба Бамба 86), 13. Сардор Азимов (Авазхон Маматхўжаев 64), 15. Ойбек Рустамов, 23. Александр Мерзляков, 33. Иван Йосович, 70. Мурод Ҳолмуҳаммедов.
“Бухоро”: 20. Сардор Қобулжонов, 4. Миржалол Жумаев (Жасур Ҳасанов 72), 8. Анвар Жўраев (Жасур Ҳакимов 63), 10.Жаба Липартия, 11. Зоҳир Пиримов ( Аббос Жумақулов 77), 23. Бехруз Шодмонов, 26. Аброр Ҳусинов, 40. Азиз Амонов, 55. Артём Барановский, 69. Эдим Юнузович, 88. Милаван Капор.
Ҳакамлар: Тимур Тўхтасинов, Расулжон Фозилов, Максим Нехочин, Раҳимбек Каримов.
Назоратчи: Сайфиддин Ирматов.
Комиссар: Эркин Бахтиёров.