Ўзбекистон Суперлигаси 1-туридан ўрин олган “Локомотив” ҳамда “Андижон” ўртасидаги ўйин якунланди. Ўйиндан кейинги матбуот анжуманининг дастлабки қисмида “бургутлар” устози Александ Хомяков иштирок этди.

“Барчани янги чемпионат билан табриклайман. Яхши учрашув бўлди. Футболчиларимиз мухлисларимиз ўз ўйини билан хуранд қилди. Қизиқарли ўйин бўлди.

Яқин вақтлар ичида раҳбарият билан кўришамиз. Олдимизга аниқ вазифа қўйилади. Жамоа ҳақида гапирадиган бўлсам, икки ой ичида жамоани янгилаш қийин бўлди.

Оптимал таркибдан четга чиқдик. Шу сабаб, Литвяков асосий таркибда майдонга тушмади. Чунки, менинг фикримча, Тимурнинг тезлиги Артёмникига қараганда тезроқ, шу сабабли у майдонга тушди. Бу битта сабаб ҳолос.

7 мартгача вақтимиз бор ва раҳбарият рухсат берса бир нечта футболчиларни сафга жалб қиламиз. Ҳакамлар ҳақида гапирмайман. Уларни ишларини кўриб чиқадиган инсонлар бор”