Яқиндагина ўз якунига етган “Локомотив” ва “Андижон” жамоалари ўртасидаги учрашувдан сўнг, Марат Бикмаевни суҳбатга тортдик.

- Марат бугунги учрашувнинг иккинчи бўлимида нега “Локо” бўш ҳаракат қилди?

- Ўйлашимча биз бўш ўйнамадик. Шунчаки вазият шуни тақозо этди. Иккита тўп фарқи “сирпаниб кетадиган” ҳисоб бўлмагани боис қарши ҳужумга таяндик. Энг муҳими мусобақани ғалаба билан бошладик. Қолгани жойига тушади.

- Погребниякнинг дебют голлари билан қандай табрикладингиз?

- Нима учун биз уни табриклашимиз керак? Аксинча,у бизни қутлаши лозим. Жамоа унинг гол киритишигаиккита вазият яратиб бергани учун.

- “Локо” дарвозасига белгиланган пеналти ҳаққоний эдими?

- Менимча зарба йўллангандан сўнг, пеналти белгилашга хожат йўқ эди. Рақиб вазиятга чиқди, ноаниқ зарба йўллади. Бу вазиятда пеналти бериш қанчалар тўғри билмадим. Шунга қарамай, жараёни 60/40 деб баҳолаган бўлар эдим. Ўйлашимча ўн бир метрлик нуқтани кўрсатиш шарт эмас эди.

- Ўйин давомида тўп икки бор “Локо” футболчисининг қўлига теккандек туюлди. Бу вазиятларга қандай баҳо берасиз?

- Бу саволларни ҳакамлар жавоб беришгани маъқул. Тўғриси мен бу вазиятларни майдонда туриб яхши илғай олмадим. Шу сабабли саволингизни очиқ қолдираман.