Ушбу рукнимиздаги энг сўнгги янгиликларни эътиборингизга ҳавола этамиз.
Стоунз “Эвертон”га қайтади
Таниқли “Sky Spoty” берган хабарларга кўра, “Манчестер Сити” жамоаси ҳимоячиси Жон Стоунз ёзда яна “Eвертон” футболчисига айланади. Гап шундаки, “Манчестер Сити” “Эвертон” ҳимоячиси Мейсон Холгейт билан жиддий қизиқиб қолди ва унинг трансферини амалга ошириш учун Жон Стоунздан воз кечишга тайёр эканлигини маълум қилди.
Айни дамда Жон “шахарликлар”нинг асосий таркибидан тўлиқлигича тушиб қолди ва жамоасини ўзгаритиршга қарши эмас.
Эслатиб ўтамиз, Жон 2013-2016-йиллар оралиғида “Эвертон” шарафини ҳимоя қилган.
“Бавария” Коутинони нега харид қилмаслиги аниқ
Мюнҳеннинг “Бавария” жамоаси нима учун Коутинонинг трансферидан воз кечгани маълум бўлди. “Sport1” нашри берган хабарларга кўра, “Бавария” жамоаси “Байер” ярим ҳимоячиси Кай Ҳавертцни қўлга киритиш учун Коутинонинг трансферидан воз кечди.
Мюнеҳен клуби “Байер” ярим ҳимоячисини учун 80 миллион евро беришни режалаштирмоқда. Шунингдек, ярим ҳимоячи учун “Ювентус” ва “Ливерпуль” клублари ҳам ҳаридор бўлиб турибди.
Айни дамда Трансфермаркет портали иқтидорли футболчини 90 миллион еврога баҳоламоқда
“Челси” “Лион” етакчиси билан қизиқмоқда
Англиянинг “Челси” жамоаси ёзда таркибни тўлиқ алмаштиришни режа қилаётгани ҳақида хабар берган эдик. “TheSun” нашри берган хабарларга кўра, “аристократлар” ёзда “Лион” жамоаси ярим ҳимоячиси Уссам Ауарни таркибга қўшиб олмоқчи.
Лондон клуби ёзда жамоани тарк этиши кутилаётган Жоржинонинг ўрнини айнан 21 ёшли футболчи билан тўлдиришни режалаштирмоқда. Ауарнинг тавон пули 43 миллион фунт стерлин этиб белгиланган бўлиб, бу сумма “Челси”ни тўлиқ қониқтиради.
Эслатиб ўтамиз, қишда ярим ҳимоячи билан “Атлетико Мадрид” ва “Ювентус” жамоалари ҳам қизиқиш билдирган, бироқ “Лион” ўз етакчисини мавсум ўртасида сотишдан бош тортган эди.
“Ювентус” мураббий алмаштирадими?
Турин супер клуби Саррини истеъфога чиқаришга жуда яқин турибди. Бу ҳақида “LGDS” нашри маълум қилган. Манбанинг маълум қилишича, туринликлар мавсумнинг энг қизғин палласида ҳам мураббийга чиқиш эшикларини кўрсатиб юбориши мумкин.
Сарри жамоада қолиши учун “Интер” билан ўйинда ғолиб чиқиши керак. Акс холда, жамоа уни Массимилиано Алегри билан алмаштириши аниқ.
Эслатиб ўтамиз, Алегри 2014-2019-йиллар оралиғида «бьянконерилар» бош мурабийи сифатида фаолият олиб борган.
Мэддисон қоладими?
Бу мавсумни кўтаринки кайфиятда ўтказаётган Жеймс Мэддисоннинг ёзда “Манчестер Юнайтед”га ўтиши борасидаги миш-мишлар тобора кўпайиб бораётганидан хабарингиз бор. Англиялик футболчининг жамоадан кетиши борасида Бренден Рожерс ўз фикрларини маълум қилди:
“Биз Жеймс билан узоқ муддатга мўлжалланган янги шартнома борасида музокарлар олиб боряпмиз. Мен унинг “Лестер”да бахтли эканлигига Шубҳам йўқ. У биз билан ўсиб бораётганини яхши англаб турибди. Умид қиламизки, у билан тез орада шартномани узайтирамиз”-,деб хабар бермоқда “SkySport” нашри.
Эслатиб ўтамиз, аввалроқ футболчи учун “Манчестер Юнайтед” 50 миллион евродан воз кечишга тайёр эканлигини маълум қилган эди.
ПСЖ Лаутаро учун курашга қўшилди
Франциянинг ПСЖ жамоаси Лаутаро Мартинес учун курашга қўшилди. Бу ҳақида “Mundo Deportivo” нашри маълум қилган. Париж клуби аргентиналик футболчини қўлга киритиш учун “Реал Мадрид” ва “Барселона”ни ортда қолдириши талаб этилади.
Манба берган хабарларга кўра, парижликлар ёзда жамоани тарк этиши кутилаётган Эдинсон Каванининг ўрнини айнан Лаутаро билан тўлдиришни режалаштирмоқда.
Eътиборлиси шундаки, ПСЖ қолган рақибларидан фарқли ўлароқ “Интер” ҳужумчи учун сўраётган 111 миллион еврони беришга тайёр эканлигини расман маълум қилган.
