Ushbu ruknimizdagi eng so‘nggi yangiliklarni e’tiboringizga havola etamiz.
Stounz “Everton”ga qaytadi
Taniqli “Sky Spoty” bergan xabarlarga ko‘ra, “Manchester Siti” jamoasi himoyachisi Jon Stounz yozda yana “Everton” futbolchisiga aylanadi. Gap shundaki, “Manchester Siti” “Everton” himoyachisi Meyson Xolgeyt bilan jiddiy qiziqib qoldi va uning transferini amalga oshirish uchun Jon Stounzdan voz kechishga tayyor ekanligini ma’lum qildi.
Ayni damda Jon “shaxarliklar”ning asosiy tarkibidan to‘liqligicha tushib qoldi va jamoasini o‘zgaritirshga qarshi emas.
Eslatib o‘tamiz, Jon 2013-2016-yillar oralig‘ida “Everton” sharafini himoya qilgan.
“Bavariya” Koutinoni nega xarid qilmasligi aniq
Myunhenning “Bavariya” jamoasi nima uchun Koutinoning transferidan voz kechgani ma’lum bo‘ldi. “Sport1” nashri bergan xabarlarga ko‘ra, “Bavariya” jamoasi “Bayer” yarim himoyachisi Kay Havertsni qo‘lga kiritish uchun Koutinoning transferidan voz kechdi.
Myunehen klubi “Bayer” yarim himoyachisini uchun 80 million yevro berishni rejalashtirmoqda. Shuningdek, yarim himoyachi uchun “Yuventus” va “Liverpul” klublari ham haridor bo‘lib turibdi.
Ayni damda Transfermarket portali iqtidorli futbolchini 90 million yevroga baholamoqda
“Chelsi” “Lion” yetakchisi bilan qiziqmoqda
Angliyaning “Chelsi” jamoasi yozda tarkibni to‘liq almashtirishni reja qilayotgani haqida xabar bergan edik. “TheSun” nashri bergan xabarlarga ko‘ra, “aristokratlar” yozda “Lion” jamoasi yarim himoyachisi Ussam Auarni tarkibga qo‘shib olmoqchi.
London klubi yozda jamoani tark etishi kutilayotgan Jorjinoning o‘rnini aynan 21 yoshli futbolchi bilan to‘ldirishni rejalashtirmoqda. Auarning tavon puli 43 million funt sterlin etib belgilangan bo‘lib, bu summa “Chelsi”ni to‘liq qoniqtiradi.
Eslatib o‘tamiz, qishda yarim himoyachi bilan “Atletiko Madrid” va “Yuventus” jamoalari ham qiziqish bildirgan, biroq “Lion” o‘z yetakchisini mavsum o‘rtasida sotishdan bosh tortgan edi.
“Yuventus” murabbiy almashtiradimi?
Turin super klubi Sarrini iste’foga chiqarishga juda yaqin turibdi. Bu haqida “LGDS” nashri ma’lum qilgan. Manbaning ma’lum qilishicha, turinliklar mavsumning eng qizg‘in pallasida ham murabbiyga chiqish eshiklarini ko‘rsatib yuborishi mumkin.
Sarri jamoada qolishi uchun “Inter” bilan o‘yinda g‘olib chiqishi kerak. Aks xolda, jamoa uni Massimiliano Alegri bilan almashtirishi aniq.
Eslatib o‘tamiz, Alegri 2014-2019-yillar oralig‘ida «byankonerilar» bosh murabiyi sifatida faoliyat olib borgan.
Meddison qoladimi?
Bu mavsumni ko‘tarinki kayfiyatda o‘tkazayotgan Jeyms Meddisonning yozda “Manchester Yunayted”ga o‘tishi borasidagi mish-mishlar tobora ko‘payib borayotganidan xabaringiz bor. Angliyalik futbolchining jamoadan ketishi borasida Brenden Rojers o‘z fikrlarini ma’lum qildi:
“Biz Jeyms bilan uzoq muddatga mo‘ljallangan yangi shartnoma borasida muzokarlar olib boryapmiz. Men uning “Lester”da baxtli ekanligiga Shubham yo‘q. U biz bilan o‘sib borayotganini yaxshi anglab turibdi. Umid qilamizki, u bilan tez orada shartnomani uzaytiramiz”-,deb xabar bermoqda “SkySport” nashri.
Eslatib o‘tamiz, avvalroq futbolchi uchun “Manchester Yunayted” 50 million yevrodan voz kechishga tayyor ekanligini ma’lum qilgan edi.
PSJ Lautaro uchun kurashga qo‘shildi
Fransiyaning PSJ jamoasi Lautaro Martines uchun kurashga qo‘shildi. Bu haqida “Mundo Deportivo” nashri ma’lum qilgan. Parij klubi argentinalik futbolchini qo‘lga kiritish uchun “Real Madrid” va “Barselona”ni ortda qoldirishi talab etiladi.
Manba bergan xabarlarga ko‘ra, parijliklar yozda jamoani tark etishi kutilayotgan Edinson Kavanining o‘rnini aynan Lautaro bilan to‘ldirishni rejalashtirmoqda.
E’tiborlisi shundaki, PSJ qolgan raqiblaridan farqli o‘laroq “Inter” hujumchi uchun so‘rayotgan 111 million yevroni berishga tayyor ekanligini rasman ma’lum qilgan.
