Бундеслиганинг 24-тур доирасида бўлиб ўтган “Хоффенхайм” ва “Бавария” клублари ўртасидаги учрашувда трибуналарга осилган баннерлар сабаб, учрашув маълум муддатга тўхтатилди.

Учрашувдаги ҳисоб 6:0га етганидан кейин, стадионнинг меҳмонлар ўтирадиган трибунасига “Хоффенхайм” клуби хўжайини Дитмар Хоппнинг манзилига ёзилган баннер кўтарилди. Баннердан "фоҳишанинг боласи" деган ёзув жой олганди.

“Бавария” клуби футболчилари ва мураббийлар штаби мухлислардан баннерни олиб ташлашларини илтимос қилишди.

Ўша пайтда учрашув тўхтатилди ва орадан бир неча дақиқа ўтгач давом эттирилди.

Ўйинни давом эттиришга рухсат берилганидан сўнг, футболчилар дарвоза томон ҳужумлар уюштиришни тўхтатишди ва асосан майдон марказида тўпни бир бирларига ошириб юришди...! Бундан томоша ўйин охиригача давом этди...