Лондоннинг «Арсенал» клуби бош мураббийи Микель Артета «Портсмут» клуби устидан Англия Кубоги 1/8 финал учрашувди қозонилган ғалаба ҳақидаги фикрлари билан ўртоқлашди.
— Англия Кубогида ўйинлар кўп бўлади, ўйлайманки, биз тўғри йўлдамиз. Қуръани синчковлик билан кузатамиз, чунки Англия Кубогини севамиз. Стадиондаги муҳит ажойиб эди, «Портсмут» бизга етарлича қаршилик кўрсатди. Ўйин осон бўлмаслигини билардик, лекин шундай бўлишига қарамасдан гол уришга муваффақ бўлдик. Ёш футболчиларнинг кўрсатган ўйинларидан қониқдим, улар билан бирга ишлашдан завқ оламан, - деди Артета ВВС спортга.
