Ҳимоячи Миркомил Локаев ва россиялик ҳужумкор ярим ҳимоячи Павел Голишев “Навбаҳор” билан шартнома имзолашди.

Мазкур футболчилар борасида тўхталадиган бўлсак, Миркомил Локаев 1995 йил, 30 январда туғилган. Футболчилик фаолияти давомида 2014 – 2019 йилларда Самарқанднинг “Динамо” клубида ўйнаган.

Павел Голишев эса 1987 йил, 7 июлда Россия пойтахти Москва шаҳрида туғилган. Футболчилик фаолияти давомида Россиянинг “Москва” (Москва, 2005-2009 йиллар), “Спартак” (Москва, 2010 йилнинг 1-давраси), “Алания” (Владикавказ, 2010 йилнинг 2-давраси), “Томь” (Томск, 2011, 2012-2015, 2016-2017 йиллар), “Тосно” (Тосно, 2015 йилнинг 2-давраси), “Крилья Советов” (Самара, 2017 йилнинг 2-давраси), “Балтика” (Калининград, 2018 йилнинг 1-давраси), “Луч” (Владивосток, 2018 йилнинг 2-давраси), “Нижний Новгород” (Нижний Новгород, 2019 йил) клубларида тўп сурган.

Энди ушбу ўйинчилар жорий мавсумда “лочинлар” шарафини ҳимоя қилишади.

“Навбаҳор” ПФК матбуот хизмати.